సుఖాలు వస్తాయనే ఆశ మానవజీవితానికి శ్వాస

ఖండితంబయ్యు భూజంబు వెండి మొలచు

క్షీణుఁడయ్యును నభివృద్ధిఁజెందు సోముఁ

డివ్విధమున విచారించి యొడలుఁదెగిన

జనములనుఁదాప మొందరు సాధు జనులు

మనుజునికి కష్టాలు తప్పవు. కష్టాలు ఉన్నప్పుడే సుఖాలకు విలువ ఉంటుంది. కష్టాలు వచ్చినప్పుడే గుండె రాయి చేసుకోవాలని చెపుతారు. చెట్టు చూడండి. దాన్ని ఎవరు నరికివేసినా మళ్ళే చిగురు వేసి మొలుస్తుంది. చంద్రుడు తనకాంతిని పోగొట్టుకొన్నాగానీ పున్నమినాటికి మళ్ళీ కాంతిమంతుడవుతాడు. కాబట్టి శీలవంతులు బాధలతో కృఉంగిపోకుండా మళ్ళీ మంచికాలం వస్తుందని, అభివ్రుద్ది చెందే సమయం వస్తుందని ఆశిస్తారు. అటువంటివాళ్ళు నిత్య సంతోషులవుతారు. లేకపోతే జీవితం అంధకార బంధురమైపోతుంది. కష్టాలుపోయి సుఖాలు వస్తాయనే ఆశ మానవజీవితానికి శ్వాస అని సందేశనిస్తున్నాడో కవి..!